Yangi mavsum oldidan "Lokomotiv" o‘z tarkibini yana bir tajribali futbolchi bilan to‘ldirdi. O‘tgan mavsumni "Anjijon" safida o‘tkazib, O‘zbekiston Kubogi sohibiga aylangan Farhod Bekmurodov klubimiz bilan shartnoma imzoladi.

Ma’lumot uchun, Farhod Bekmurodov 1994 yil 8 oktyabrda tug‘ilgan. Markaziy yarim himoyachi ampluasida to‘p tepadi. Yana bir ma’lumot shuki, Bekmurodov 2018 yilgi mavsumni "Loko" tarkibida o‘tkazgan. Shundan so‘ng "Qo‘qon-1912", "Metallurg" va "Andijon" klublarida faoliyat olib bordi.

U futbolchilik faoliyati mobaynida Superligada 164ta uchrashuv o‘tkazgan. O‘zbekiston Kubogi doirasida esa 14 bor maydonga tushgan.

"Biz Farhod Bekmurodovga yangi mavsumda omad tilagan holda "temiryo‘lchilar" safiga xush kelibsan deb qolamiz" - deyiladi "temiryo‘lchilar" bayonotida.