“Monako” bosh murabbiyi Adi Xyutter Fransiya Superkubogida “PSJ”dan uchralgan mag‘lubiyat (0:1) haqida fikr bildirdi.
"So‘nggi daqiqalarda mag‘lub bo‘lganingizda, har doim alam qiladi. Ammo o‘yinga oqilona qarasangiz, “PSJ” g‘alaba qozonishga haqli edi. Lekin jamoa ko‘rsatganidan mamnunman, biz oxirigacha kurashdik, vaziyatni penaltilar seriyasigacha ushlab turishga harakat qildik.
Bizda bir nechta imkoniyatlar bo‘ldi, lekin biz "PSJ"ga ko‘p narsalarni yaratishga imkon berdik. Shunchaki, "PSJ"ni sovrin bilan tabriklamoqchiman", - deya Xyutterning so‘zlarini keltiradi fransuz klubi matbuot xizmati.
10 yanvar, juma kuni “Monako” safarda “Nant”ga qarshi bahs olib boradi.
