Chezare Kazadei yanvarda "Chelsi"ni tark etishi mumkin.
"Torino" London klubi bilan 21 yoshli yarim himoyachining transferi borasida muzokaralar olib bormoqda, deya xabar beradi Janluka Di Marsio.
"Ko‘klar" Kazadei sotuvidan 20 million yevro olmoqchi va shartnomaga qaytarib sotib olish bandini kiritmoqchi.
Italiyaliklar 12 million yevro va yarim himoyachini qayta sotishning bir foizini taklif qilishmoqda. Futbolchining o‘zi allaqachon transferga rozi bo‘lgan. Klublar kelishuvni 7-8 yanvar kunlari yana muhokama qilishlari kutilmoqda.
Kazadei joriy mavsumda “Chelsi” tarkibida 6 ta o‘yinda maydonga tushdi: 5 ta konferensiya ligasida, 1 tasi Liga kubogida.
