Termizning "Surxon" jamoasi o‘z safini yana bir nafar futbolchisi bilan to‘ldirdi. Bugun yosh va iste’dodli futbolchi Sherzod Komilov termizliklar bilan shartnomani imzoladi.
22 yoshli futbolchi universal o‘yinchi hisoblanadi. Komilov turli pozisiyalarda o‘ynay oladi. Ham tayanch yarim himoyasida, ham himoya markazida. Diqqatga sazovor yana bitta jihat bor, "Surxon" oxirgi mavsumlarda yosh futbolchilarni kashf qilish bo‘yicha yetakchilik qilmoqda va Sherzod Komilov ham o‘z yosh toifasida kelajagi porloq futbolchi hisoblanadi.
Bundan oldin Komilov "Lokomotiv" hamda "Olimpik" jamoalarida o‘ynagan.
Sherzod Komilov
Ampuasi: Yarim himoyachi (libero)
Transfermarkt narxi: 100.000 yevro
"Yangi futbolchimizga "Xush kelibsiz" deb aytamiz va "Surxon"da omad tilaymiz" - deyiladi termizliklar bayonotida.
