"Arsenal" Ronald Arauxo uchun kurashga qo‘shildi.
Oldinroq "Yuventus" "Barselona" himoyachisini ijaraga olmoqchi ekanligi ma’lum bo‘lgandi.
Mundo Deportivo yozganidek, urugvaylik futbolchi o‘ynashni xohlaydi va agar unga o‘yin vaqti va raqobatbardosh loyihani kafolatlaydigan jamoa topsa, qishki transfer oynasida transferga rozi bo‘lishi mumkin. "Kanonirlar" bundan xabardor va "byankonerilar" kabi taklif bilan chiqishga tayyor.
Qayd etilishicha, "Barsa" Arauxo bilan shartnomani uzaytirmoqchi. Biroq, agar futbolchi yangi shartnoma imzolashni istamasa va ketishni so‘rasa, Kataloniya klubi bu imkoniyatni ko‘rib chiqadi.
