"Barselona" bosh murabbiyi Xans-Diter Flik "Atletik Bilbao"ga (2:0) qarshi Ispaniya Superkubogi yarim final uchrashuvida vinger Lamin Yamal almashtirilganini tushuntirdi.
17 yoshli futbolchi o‘tgan oy o‘rtalarida olgan jarohatidan keyin ilk bor maydonga tushdi. 52-daqiqada vunderkind raqib darvozasiga gol urib, tablodagi yakuniy hisobni o‘rnatdi, 63-daqiqada esa almashtirildi.
"Yamalni almashtirganim? Bilaman, siz doimo Laminga alohida e’tibor qaratasiz, lekin bizda jamoa bor, biz futbolchilarga g‘amxo‘rlik qilishimiz kerak.
U yaqinda jarohatidan tuzalib ketdi, shuning uchun biz uni 60-65 daqiqadan so‘ng almashtirishga majbur bo‘ldik", - deya Flikning so‘zlarini keltiradi Barca Universal.
