"Барселона" бош мураббийи Ханс-Дитер Флик "Атлетик Бильбао"га (2:0) қарши Испания Суперкубоги ярим финал учрашувида вингер Ламин Ямал алмаштирилганини тушунтирди.
17 ёшли футболчи ўтган ой ўрталарида олган жароҳатидан кейин илк бор майдонга тушди. 52-дақиқада вундеркинд рақиб дарвозасига гол уриб, таблодаги якуний ҳисобни ўрнатди, 63-дақиқада эса алмаштирилди.
"Ямални алмаштирганим? Биламан, сиз доимо Ламинга алоҳида эътибор қаратасиз, лекин бизда жамоа бор, биз футболчиларга ғамхўрлик қилишимиз керак.
У яқинда жароҳатидан тузалиб кетди, шунинг учун биз уни 60-65 дақиқадан сўнг алмаштиришга мажбур бўлдик", - дея Фликнинг сўзларини келтиради Barca Universal.
