Myunxenning “Bavariya” klubi yulduz vingeri Kingsli Koman Rio Ferdinandga bergan intervyusida ayni damdagi o‘z pozisiyasidagi dunyoning eng kuchli uch futbolchisini aytdi.
"Menimcha, Muhammad Saloh hozir jahon futbolidagi eng yaxshi vinger, chunki u darvoza oldida haqiqiy xavf tug‘dirmoqda. Shuningdek, Vinisius Juniorni ham ta’kidlamoqchiman, u o‘tgan mavsumni ajoyib o‘tkazdi, lekin u asosan hujumchi sifatida o‘ynadi. Bukayo Sakani ham aytib o‘tmoqchiman, menga chap oyoqli o‘yinchilar juda yoqadi", dedi Koman.
Joriy mavsum Kingsli Koman “Bavariya” safida barcha turnirlarda 19 ta o‘yin o‘tkazib, 4 ta gol urdi va 2 ta golli uzatmani amalga oshirdi.
