Мюнхеннинг “Бавария” клуби юлдуз вингери Кингсли Коман Рио Фердинандга берган интервьюсида айни дамдаги ўз позициясидаги дунёнинг энг кучли уч футболчисини айтди.
"Менимча, Муҳаммад Салоҳ ҳозир жаҳон футболидаги энг яхши вингер, чунки у дарвоза олдида ҳақиқий хавф туғдирмоқда. Шунингдек, Винисиус Жуниорни ҳам таъкидламоқчиман, у ўтган мавсумни ажойиб ўтказди, лекин у асосан ҳужумчи сифатида ўйнади. Букайо Сакани ҳам айтиб ўтмоқчиман, менга чап оёқли ўйинчилар жуда ёқади", деди Коман.
Жорий мавсум Кингсли Коман “Бавария” сафида барча турнирларда 19 та ўйин ўтказиб, 4 та гол урди ва 2 та голли узатмани амалга оширди.
