"Barselona" Ronald Arauxoning transferini bloklashi mumkin.
Eslatib o‘tamiz, urugvaylik himoyachiga "Yuventus" qiziqish bildirmoqda. Arauxoning o‘zi jamoasini o‘zgartirmoqchi. Klub direktorlari shu hafta uchrashib, ehtimoliy transferni muhokama qilishlari kerak edi.
AS nashri xabariga ko‘ra, kelishuvga Inigo Martinesning jarohati to‘sqinlik qilishi mumkin - ispaniyalik futbolchi taxminan 5 haftani o‘tkazib yuborishi xabar qilingandi. Agar tekshiruvlar bu prognozni tasdiqlasa, "Blaugrana" Arauxoni sotishdan bosh tortishi mumkin.
Yaqin kunlarda bo‘lib o‘tadigan "Barselona" sport komissiyasining yig‘ilishida Xans-Diter Flik boshchiligidagi murabbiylar shtabi nima uchun klub 25 yoshli futbolchini olib qolishi kerakligini tushuntirishi kutilmoqda.
Qayd etilishicha, germaniyalik mutaxassis himoya markazida Erik Garsiyadan ko‘ra Arauxoni ko‘rishni afzal ko‘radi. Flik urugvaylikdan ko‘ra ispaniyalikning ketishini ma’qul ko‘radi.
