U 2024 yil 19 mart kuni Jinoyat ishlari bo‘yicha Mirobod tumani sudining hukmiga ko‘ra, JKning 248-moddasi (O‘qotar qurolning, o‘q-dorilarning, o‘qotar qurol asosiy qismlarining, portlovchi moddalarning, portlatish vositalarining yoki portlatish qurilmalarining qonunga xilof muomalasi) 2-bandi bilan aybdor deb topilgan va 6 yil muddatga ozodlikdan mahrum qilingandi.
Biroq kun.uz nashrining ma’lum qilishicha, Salim Abduvaliyev xastaligi tufayli 2025 yil 12 yanvar kuni JKning 75-moddasi tartibida jazodan ozod qilingan va ozodlikka chiqarilgan.
UWW_UZB telegram kanalida tarqalgan xabarga ko‘ra, Abduvaliyev sport kurashlari assosiasiyasi rahbarligidan ketgan. Uning o‘rnini O‘zbekiston Respublikasi Bosh prokurori, bir paytning o‘zida O‘zbekiston kurash assosiasiyasi raisi Nig‘matilla Yo‘ldoshev egallagan.
Biroq hozircha bu rasman e’lon qilinmadi.
Abduvaliyevning MOQ raisi o‘rinbosari lavozimidagi faoliyati bo‘yicha ham hech qanday xabar berilmagan.
