У 2024 йил 19 март куни Жиноят ишлари бўйича Миробод тумани судининг ҳукмига кўра, ЖКнинг 248-моддаси (Ўқотар қуролнинг, ўқ-дориларнинг, ўқотар қурол асосий қисмларининг, портловчи моддаларнинг, портлатиш воситаларининг ёки портлатиш қурилмаларининг қонунга хилоф муомаласи) 2-банди билан айбдор деб топилган ва 6 йил муддатга озодликдан маҳрум қилинганди.
Бироқ kun.uz нашрининг маълум қилишича, Салим Абдувалиев хасталиги туфайли 2025 йил 12 январ куни ЖКнинг 75-моддаси тартибида жазодан озод қилинган ва озодликка чиқарилган.
UWW_UZB телеграм каналида тарқалган хабарга кўра, Абдувалиев спорт курашлари ассосиацияси раҳбарлигидан кетган. Унинг ўрнини Ўзбекистон Республикаси Бош прокурори, бир пайтнинг ўзида Ўзбекистон кураш ассосиацияси раиси Ниғматилла Йўлдошев эгаллаган.
Бироқ ҳозирча бу расман эълон қилинмади.
Абдувалиевнинг МОҚ раиси ўринбосари лавозимидаги фаолияти бўйича ҳам ҳеч қандай хабар берилмаган.
