"Milan" bosh murabbiyi Serxio Konseysau "Komo"ga qarshi bahsda (2:1) jamoasining o‘yinidan xursand bo‘lmadi.
“Rossonerilar” 60-daqiqada birinchi bo‘lib gol o‘tkazib yubordi, ammo 71 va 76-daqiqalarda Teo Ernandes va Rafael Leauning gollari evaziga g‘alabani tortib olishga muvaffaq bo‘ldi.
"Bu qiyin uchrashuv edi. Biz zo‘r o‘yinchilarga ega ajoyib jamoaga qarshi munosib kurashdik, ular yaxshi tayyorgarlik ko‘rishdi. O‘yinimizni yaxshilashimiz kerak bo‘lgan narsalar ko‘p.
Tanaffusdan keyin, ayniqsa, o‘tkazib yuborilgan goldan keyin vaziyat yaxshilandi. Lekin biz yanada jips bo‘lishimiz, jismoniy, texnik, taktik, fidoyilik nuqtayi nazaridan yaxshilanishimiz kerak.
Men bu haqda ikki soat gaplasha olaman, lekin agar futbolchilar tushunmasa, hammasi juda qiyin bo‘ladi", — deya Konseysauning so‘zlarini keltiradi Football Italia.













