"Милан" бош мураббийи Серхио Консейсау "Комо"га қарши баҳсда (2:1) жамоасининг ўйинидан хурсанд бўлмади.
“Россонерилар” 60-дақиқада биринчи бўлиб гол ўтказиб юборди, аммо 71 ва 76-дақиқаларда Тео Эрнандес ва Рафаэль Леаунинг голлари эвазига ғалабани тортиб олишга муваффақ бўлди.
"Бу қийин учрашув эди. Биз зўр ўйинчиларга эга ажойиб жамоага қарши муносиб курашдик, улар яхши тайёргарлик кўришди. Ўйинимизни яхшилашимиз керак бўлган нарсалар кўп.
Танаффусдан кейин, айниқса, ўтказиб юборилган голдан кейин вазият яхшиланди. Лекин биз янада жипс бўлишимиз, жисмоний, техник, тактик, фидойилик нуқтайи назаридан яхшиланишимиз керак.
Мен бу ҳақда икки соат гаплаша оламан, лекин агар футболчилар тушунмаса, ҳаммаси жуда қийин бўлади", — дея Консейсаунинг сўзларини келтиради Football Italia.
