"Milan"ning chap qanot himoyachisi Teo Ernandes tarixiy goldan so‘ng fikr bildirdi.
Teo himoyachilar o‘rtasida "rossonerilar"ning A seriyadagi eng yaxshi to‘purari bo‘ldi. Seshanba kuni "Komo"ga urilgan gol (2:1) 27 yoshli futbolchi uchun Italiya chempionatidagi 30-gol bo‘ldi.
Avvalgi rekordchi Paolo Maldini 29 bor raqiblar darvozasini ishg‘ol qilgan.
"Klub tarixining bir qismiga aylanish juda katta baxt. Bu yerga kelganimning birinchi kunidanoq "Milan"da meni iliq kutib olishdi.
Mening kumirim Maldini yutug‘idan o‘tib ketish - aql bovar qilmas narsa. Biz xuddi shu ruhda davom etishimiz kerak, men “Milan” uchun ko‘plab gollar urishda davom etmoqchiman", dedi Teo Ernandes.
