"Милан"нинг чап қанот ҳимоячиси Тео Эрнандес тарихий голдан сўнг фикр билдирди.
Тео ҳимоячилар ўртасида "россонерилар"нинг А сериядаги энг яхши тўпурари бўлди. Сешанба куни "Комо"га урилган гол (2:1) 27 ёшли футболчи учун Италия чемпионатидаги 30-гол бўлди.
Аввалги рекордчи Паоло Мальдини 29 бор рақиблар дарвозасини ишғол қилган.
"Клуб тарихининг бир қисмига айланиш жуда катта бахт. Бу ерга келганимнинг биринчи куниданоқ "Милан"да мени илиқ кутиб олишди.
Менинг кумирим Мальдини ютуғидан ўтиб кетиш - ақл бовар қилмас нарса. Биз худди шу руҳда давом этишимиз керак, мен “Милан” учун кўплаб голлар уришда давом этмоқчиман", деди Тео Эрнандес.
