"Chelsi" markaziy himoyachisi Tosin Adarabioyoga Angliya Premyer-ligasining boshqa bir klubi qiziqish bildirmoqda. 27 yoshli futbolchi joriy mavsum oldidan “Fulxem”dan “ko‘klar” safiga kelib qo‘shildi.

Jurnalist Mayk Kiganning so‘zlariga ko‘ra, markaziy himoyachi bor-yo‘g‘i olti oydan so‘ng “Chelsi”ni tark etishi mumkin. "Brayton" inglizni o‘z safiga jalb etish niyatida. Gap ijara haqida emas, balki to‘liq transfer haqida ketmoqda.

Tosin Adarabioyo Mareska shogirdlari safida barcha musobaqalarda 18 ta o‘yinda maydonga tushib, 3 ta gol urishga muvaffaq bo‘ldi.