"Manchester Siti" hujumchi Erling Xoland bilan yangi uzoq muddatli shartnoma imzoladi. Shu bilan birga, norvegiyalikning ish haqi ham oshdi.
Fabrisio Romanoning so‘zlariga ko‘ra, Xoland endi haftasiga 500 ming funt, ya’ni yiliga 26 million funt oladi. Bu "Manchester Siti" tarixidagi eng yuqori maosh hisoblanadi.
Erling avval haftasiga 375 ming funt maosh olardi.
Xoland “Manchester Siti”da 2022 yilning yozidan buyon o‘ynab kelmoqda. U “shaharliklar” safida jami 126 ta o‘yin o‘tkazib, 111 gol urdi va 15 ta golli uzatma berdi.
