"Yuventus" markaziy hujumchisi Dushan Vlahovich qishda ish joyini o‘zgartirishi mumkin. Bu haqda Todofichajes portali sahifalarida xabar berilgan. Manbaga ko‘ra, serbiyalik hujumchini Londonning "Arsenal" jamoasi sotib olmoqchi.
"Kanonirlar" bosh murabbiyi Mikel Arteta shaxsan Vlahovichning transferi bilan qiziqmoqda. London klubi kelasi hafta serbning transferi bo‘yicha muzokaralarni boshlashi kutilmoqda. Potensial kelishuv 50-60 million yevroga teng.
Joriy mavsumda 24 yoshli forvard Italiya chempionatida 16 ta o‘yinda maydonga tushdi. Dushan yettita gol urdi va bitta golli uzatmani amalga oshirdi.
