"Ювентус" марказий ҳужумчиси Душан Влаҳович қишда иш жойини ўзгартириши мумкин. Бу ҳақда Todofichajes портали саҳифаларида хабар берилган. Манбага кўра, сербиялик ҳужумчини Лондоннинг "Арсенал" жамоаси сотиб олмоқчи.

"Канонирлар" бош мураббийи Микель Артета шахсан Влаҳовичнинг трансфери билан қизиқмоқда. Лондон клуби келаси ҳафта сербнинг трансфери бўйича музокараларни бошлаши кутилмоқда. Потенциал келишув 50-60 миллион еврога тенг.

Жорий мавсумда 24 ёшли форвард Италия чемпионатида 16 та ўйинда майдонга тушди. Душан еттита гол урди ва битта голли узатмани амалга оширди.