Londonning "Chelsi" klubi bosh murabbiyi Enso Mareska ukrainalik vinger Mixaylo Mudrikning B doping-testi haqidagi savolga javob berdi.

"Mudrik borasida aniqlik bo‘ladimi, bilmayman. Biz Misha bilan yaqinmiz, klub unga yordam berishga harakat qilmoqda, ammo B sinovi bo‘yicha menda hech qanday yangilik yo‘q", - dedi Mareska.

Dekabr oyi o‘rtalarida Mudrikning doping testi ijobiy chiqqani ma’lum bo‘ldi. "Chelsi" va Ukraina terma jamoasi yarim himoyachisining tanasida taqiqlangan meldoniy moddasining izlari topildi. Bu futbolchini to‘rt yilgacha diskvalifikasiya bilan tahdid qiladi. 23 yoshli Mudrik joriy mavsumda barcha turnirlarda 15 ta o‘yin o‘tkazib, 3 ta gol urdi va 4 ta golli uzatmani amalga oshirdi. Ukrainalik yarim himoyachining "Chelsi" bilan shartnomasi 2031 yilning yoziga qadar amal qiladi.