"Yuventus" o‘tgan yozda "Milan"dan ijaraga olingan 24 yoshli markaziy himoyachi Pyer Kalyulyuni sotib olish variantini faollashtirishga tayyor. Bu haqda jurnalist Nikolo Skira ijtimoiy tarmog‘ida xabar berdi.
Manbaga ko‘ra, Turin klubi 14 million yevroni qat’iy to‘lov, yana 3 million yevro bonus sifatida to‘laydi. "Keksa sinyora" Kalyulyuga 2029 yilgacha, yiliga 2,4 million yevro maosh bilan shartnoma taklif qilmoqchi.
Joriy mavsumda Kalyulyu barcha turnirlarda 25 ta o‘yin o‘tkazib, bitta gol urgan. Futbolchining "Milan" bilan amaldagi mehnat shartnomasi 2027 yilning yoziga qadar tuzilgan. Transfermarkt portalida berilgan ma’lumotlarga ko‘ra, futbolchining bozor qiymati 26 million yevroni tashkil qiladi.













