"Arsenal" "Brentford"ning 28 yoshli hujumchisi Yoanu Vissega qiziqish bildirmoqda. Bu haqda The Telegraph nashri xabar bermoqda.

Manbaga ko‘ra, London klubi kongolik futbolchini jiddiy jarohat olgan Gabriel Jezusga o‘rinbosar sifatida ko‘rmoqda.

Joriy mavsumda Visse barcha turnirlarda 22 ta o‘yin o‘tkazib, 12 ta gol urdi va 2 ta golga assistentlik qildi. Futbolchining klub bilan amaldagi mehnat shartnomasi 2026 yilning yoziga qadar tuzilgan. Transfermarkt portalida berilgan ma’lumotlarga ko‘ra, futbolchining bozor qiymati 28 million yevroni tashkil qiladi.