"Real" bosh murabbiyi Karlo Anchelotti "Las-Palmas"ga qarshi o‘yin oldidan hujumchi Kilian Mbappe haqida fikr bildirdi.
"Mbappe yetakchimi yoki yo‘qmi, bilmayman. Ammo menimcha, u har kuni yanada muhimroq rolga intiladi.
Avvalo, uning munosabati o‘zgarmadi - mashg‘ulotda ham, maydon tashqarisida ham. U har doim juda xotirjam, juda kamtarin.
Mbappe haqiqatan ham maydondagi ahamiyatini oshirdi, juda yuqori saviyani ko‘rsatdi va bu barchamizga yordam beradi.
Bir oy oldin aytganimdek, uning moslashish davri tugadi.
Menimcha, har bir o‘yin o‘tgan sayin uning saviyasi o‘sib boradi", - dedi Anchelotti jurnalistlarga.
