"Реал" бош мураббийи Карло Анчелотти "Лас-Пальмас"га қарши ўйин олдидан ҳужумчи Килиан Мбаппе ҳақида фикр билдирди.
"Мбаппе етакчими ёки йўқми, билмайман. Аммо менимча, у ҳар куни янада муҳимроқ ролга интилади.
Аввало, унинг муносабати ўзгармади - машғулотда ҳам, майдон ташқарисида ҳам. У ҳар доим жуда хотиржам, жуда камтарин.
Мбаппе ҳақиқатан ҳам майдондаги аҳамиятини оширди, жуда юқори савияни кўрсатди ва бу барчамизга ёрдам беради.
Бир ой олдин айтганимдек, унинг мослашиш даври тугади.
Менимча, ҳар бир ўйин ўтган сайин унинг савияси ўсиб боради", - деди Анчелотти журналистларга.
