"Liverpul" Premyer-ligada "Brentford"ni 2:0 hisobida mag‘lub etdi. O‘yinda zaxiradan maydonga tushgan hujumchi Darvin Nunyes dubl qayd etdi. O‘yindan so‘ng "qizillar" bosh murabbiyi Arne Slot o‘z fikrlarini bildirdi.
"Mavsum davomida siz bunday daqiqalarni kutasiz. "Yunayted", "Nottingem Forest", "Fulxem"ga qarshi o‘yinlar yakunida ham gollar urishimiz mumkin edi. Bugun bu ishladi. So‘nggi daqiqalarda gol urishga muvaffaq bo‘ldik. Seshanba kuni "Forest"ga qarshi o‘yinda bo‘lgani kabi, ko‘plab imkoniyatlarni hisobga olgan holda, munosib g‘alabaga erishmay maydonni tark etishimiz mumkin edi. Bugungi g‘alabadan juda xursandmiz.
Nunyes? U har doim maydonga tushganida katta ta’sir ko‘rsatadi. U energiya va kuch olib keladi", dedi Slot.
