"Tottenxem" bosh murabbiyi Anje Postekoglu "Everton"dan uchralgan mag‘lubiyatdan so‘ng (2:3) fikr bildirdi.
"Bu qiyin natija bo‘ldi. Birinchi bo‘limda o‘yinga kirishib olish uchun kurashdik va bu "Everton"ga turtki berdi.
Biz qaytishga harakat qildik, ammo uddasidan chiqa olmadik.
O‘yin nazoratini o‘z qo‘limizga ololmadik. Bizda to‘p bilan ham, to‘psiz ham muammolar bor edi. Bizda ham vaziyatlar bo‘ldi, lekin bu yetarli emas edi.
Bizda tom ma’noda 11 nafar o‘yinchi yetarlicha sog‘lom edi.
Biz vaziyatni nazorat qila olmadik, “Everton” bundan foydalandi va biz buning badalini to‘ladik", dedi Postekoglu.
