Tez orada Dortmundning "Borussiya"sida murabbiy o‘zgarishi mumkin.
"Asalarilar" rahbariyati Bundesligadagi qoniqarsiz natijalar tufayli Nuri Shahinni ishdan bo‘shatish imkoniyatini ko‘rib chiqmoqda - jamoa 18 turdan so‘ng turnir jadvalida bor-yo‘g‘i o‘ninchi o‘rinni egallab turibdi. Jurnalist Florian Plettenberg xabariga ko‘ra, "Borussiya" Rojer Shmidtni tayinlash imkoniyatini ko‘rib chiqmoqda. Dortmundliklarga 57 yoshli mutaxassisning nomzodi juda yoqadi, ammo uni ishontirish oson bo‘lmaydi - u yozda, yangi mavsum boshida ishga qaytishni afzal ko‘radi.
Rojer Shmidt o‘tgan yilning avgust oyi oxirida "Benfika"ni tark etgandi. U Lissabon klubini ikki yil boshqargan.
Germaniyalik murabbiyga "RB Leypyig" ham qiziqmoqda.
