"Manchester Yunayted" murabbiyi Ruben Amorim "qizil iblislar" bosh murabbiyi bo‘lish juda qiyinligini tan oldi. Shu bilan birga, portugaliyalik mutaxassis ijobiy kayfiyatni saqlab qolmoqchi.
Shuningdek, Amorim vaqti-vaqti bilan Aleks Fergyuson bilan telefon orqali gaplashib turishini aytdi. Klub afsonasi bilan suhbatlashish unga ijobiy kayfiyatda bo‘lishga yordam beradi.
"Men klub tarixidan xabardorman, lekin hozir "Man Yunayted"ga murabbiylik qilish juda qiyin. To‘g‘ri, bu juda qiyin, lekin men yaxshilikka ishonishim kerak. Ijobiy kayfiyatni saqlab qolish uchun Aleks Fergyuson bilan gaplashib turishga harakat qilaman," - deya Amorimdan iqtibos keltiradi "MYU" rasmiy sayti.
"MYU" Angliya chempionati turnir jadvalida 13-o‘rinda bormoqda.













