"Borussiya"da Nuri Shahin o‘rniga nomzodlar ma’lum bo‘ldi.
Bugun Dortmund klubi Shahinni bosh murabbiy lavozimidan chetlatilganini e’lon qildi.
Jurnalist Florian Plettenbergning yozishicha, bo‘sh o‘ringa da’vogarlardan biri “Bavariya” va “Monako”ning sobiq bosh murabbiyi Niko Kovachdir.
53 yoshli mutaxassis hozirda klubsiz, uning nomzodi "Borussiya" rahbariyati tomonidan muhokama qilingan, u istalgan vaqtda ishga kirishishi mumkin.
Klub boshliqlari uchun ideal variant - Rojer Shmidtni taklif qilish. Biroq, uni yozgacha kutishdan ko‘ra, hoziroq jamoani qabul qilishga ko‘ndirish uchun biroz harakat qilish kerak bo‘ladi. 57 yoshli murabbiy ham klubsiz.
Nomzodlar orasida "Manchester Yunayted"ning sobiq bosh murabbiyi Erik ten Xag ham bor, ammo hozircha muzokaralar davom etmayapti.