Italiyalik hujumchi Mario Balotelli "Jenoa"ni tark etishi mumkinligi haqidagi mish-mishlarga javob berdi.
Balotelli o‘z muxlislarini bu borada spekulyasiya qilmaslikka chaqirdi, chunki u hali ham klubga tegishli, u bilan mavsum oxirigacha shartnomasi bor.
Eslatib o‘tamiz, Balotellini klubning avvalgi ustozi Alberto Jilardino taklif qilgandi, biroq noyabr oyida uni ishdan bo‘shatishdi va uning o‘rniga Marioga shubha bilan qaraydigan va ayniqsa uning xizmatlariga muhtoj bo‘lmagan Patrik Viyeyra taklif etildi.
"Men haqimda yozadigan, har xil narsalarni ig‘vo qiladigan har bir kishiga shuni aytmoqchimanki, men "Jenoa" futbolchisiman, biroq ko‘plar buni xohlamaydi", - deya yozdi Balotelli ijtimoiy tarmoqlarda.
