Италиялик ҳужумчи Марио Балотелли "Женоа"ни тарк этиши мумкинлиги ҳақидаги миш-мишларга жавоб берди.
Балотелли ўз мухлисларини бу борада спекуляция қилмасликка чақирди, чунки у ҳали ҳам клубга тегишли, у билан мавсум охиригача шартномаси бор.
Эслатиб ўтамиз, Балотеллини клубнинг аввалги устози Алберто Жилардино таклиф қилганди, бироқ ноябрь ойида уни ишдан бўшатишди ва унинг ўрнига Мариога шубҳа билан қарайдиган ва айниқса унинг хизматларига муҳтож бўлмаган Патрик Виейра таклиф этилди.
"Мен ҳақимда ёзадиган, ҳар хил нарсаларни иғво қиладиган ҳар бир кишига шуни айтмоқчиманки, мен "Женоа" футболчисиман, бироқ кўплар буни хоҳламайди", - дея ёзди Балотелли ижтимоий тармоқларда.
