"Manchester Siti" Chempionlar Ligasi 7-turida "PSJ"dan mag‘lubiyatga uchradi (2:4).
Klub Xosep Gvardiola boshchiligidagi o‘yinlarda to‘pga egalik qilish bo‘yicha ikkinchi eng yomon ko‘rsatkichni qayd etdi.
Bu haqda Opta Sports xabar bermoqda. Manbaga ko‘ra, “shaharliklar” bu o‘yinda to‘pga atigi 36,9 foiz egalik qilishgan.
Bundan ham yomonroq ko‘rsatkich 2016-yilning noyabr oyida Chempionlar ligasining 4-turida “Barselona”ga qarshi o‘yinda qayd etilgan bo‘lib, o‘shanda to‘pga egalik qilish ulushi 34,7% edi.
