Jud Bellingem "Barselona"ning Xansi Flik qo‘l ostidagi o‘yinlaridan xursand bo‘ldi.

"Barselona" bu mavsumda "Real"ga qarshi ikkita o‘yinning har birida yirik g‘alabaga erishdi. Avvaliga "Barselona" La Ligada Madridni 4:0 hisobida mag‘lub etgan bo‘lsa, Ispaniya Superkubogi finalida kataloniyaliklar 5:2 hisobida zafar quchdi.

"Barselona"ning yaqinda "Real"ga qarshi o‘yindagi muvaffaqiyati madridlik yarim himoyachini hayratda qoldirdi, deb xabar beradi Catalunya Radio.

Aytishlaricha, angliyalik futbolchi Flikning "Barselona"sini va uning taktikasini "sevib qolgan". Superkubok finalidan so‘ng yarim himoyachi ochiqchasiga ta’kidladiki, bu ikki klub o‘rtasidagi asosiy farq "ko‘k-anorranglilar" futbolchilari nima qilish kerakligini bilishlarida.

Catalunya Radio xabariga ko‘ra, Bellingem hatto o‘zining yaqin atrofidagilarga kataloniyaliklar ikkala o‘yinda ham "Real"ning zaif tomonlaridan qanday foydalana olganini aytib bergan.