Жуд Беллингем "Барселона"нинг Ханси Флик қўл остидаги ўйинларидан хурсанд бўлди.
"Барселона" бу мавсумда "Реал"га қарши иккита ўйиннинг ҳар бирида йирик ғалабага эришди. Аввалига "Барселона" Ла Лигада Мадридни 4:0 ҳисобида мағлуб этган бўлса, Испания Суперкубоги финалида каталонияликлар 5:2 ҳисобида зафар қучди.
"Барселона"нинг яқинда "Реал"га қарши ўйиндаги муваффақияти мадридлик ярим ҳимоячини ҳайратда қолдирди, деб хабар беради Catalunya Radio.
Айтишларича, англиялик футболчи Фликнинг "Барселона"сини ва унинг тактикасини "севиб қолган". Суперкубок финалидан сўнг ярим ҳимоячи очиқчасига таъкидладики, бу икки клуб ўртасидаги асосий фарқ "кўк-анорранглилар" футболчилари нима қилиш кераклигини билишларида.
Catalunya Radio хабарига кўра, Беллингем ҳатто ўзининг яқин атрофидагиларга каталонияликлар иккала ўйинда ҳам "Реал"нинг заиф томонларидан қандай фойдалана олганини айтиб берган.
