Dominik Solanke jarohati tufayli bir oydan ko‘proq maydonga tusha olmaydi.
"Tottenxem" hujumchisi mashg‘ulot vaqtida tizzasidan jarohat olib, APLda "Everton" (2:3) va Yevropa Ligasida "Xoffenxaym" (3:2) bilan o‘yinlarni o‘tkazib yubordi.
The Times xabariga ko‘ra, ingliz futbolchisi olti haftaga safdan chiqqan. U Liga kubogi yarim finalida "Liverpul"ga qarshi javob o‘yinini, Angliya kubogi doirasida "Aston Villa"ga va APL doirasida "Manchester Yunayted"ga qarshi o‘yinni o‘tkazib yuboradi.
Joriy Angliya chempionatida Solanke 18 ta o‘yin o‘tkazib, 7 ta gol urgan. Faqat Jeyms Maddison "shporlar" safida ko‘proq gol urgan - 8 ta.
