Доминик Соланке жароҳати туфайли бир ойдан кўпроқ майдонга туша олмайди.

"Тоттенхэм" ҳужумчиси машғулот вақтида тиззасидан жароҳат олиб, АПЛда "Эвертон" (2:3) ва Европа Лигасида "Хоффенхайм" (3:2) билан ўйинларни ўтказиб юборди.

The Times хабарига кўра, инглиз футболчиси олти ҳафтага сафдан чиққан. У Лига кубоги ярим финалида "Ливерпуль"га қарши жавоб ўйинини, Англия кубоги доирасида "Астон Вилла"га ва АПЛ доирасида "Манчестер Юнайтед"га қарши ўйинни ўтказиб юборади.

Жорий Англия чемпионатида Соланке 18 та ўйин ўтказиб, 7 та гол урган. Фақат Жеймс Маддисон "шпорлар" сафида кўпроқ гол урган - 8 та.