ATP reytingida yettinchi o‘rinni egallab turgan serbiyalik Novak Jokovich Australian Open yarim finalida Germaniya vakili, dunyoning ikkinchi raketkasi Aleksandr Zverevga mag‘lub bo‘ldi – 6/7(5).
Uchrashuv 1 soat 22 daqiqa davom etdi. Jokovich va Zverev o‘rtasidagi o‘zaro o‘yinlarda serbiyalik tennischi ustunlikka ega – 8:5.
Jokovich chorak final mobaynida olgan jarohati sababli yarim final uchrashuvini oxirigacha yetkaza olmadi. U o‘yin davomida og‘riq qoldiruvchi dori qabul qildi.
Shu tariqa, Zverev ilk bor ushbu musobaqa finaliga chiqdi. Shu bilan birga, u o‘z faoliyatida uchinchi marta “Katta dubulg‘a” turniri finaliga yo‘l oldi (bungacha “Rolan Garros” va US Open finalida mag‘lub bo‘lgan). U endi finalda italiyalik Yannik Sinner yoki amerikalik Ben Shelton bilan to‘qnash keladi.
