Ruben Amorim "Manchester Yunayted"ning transfer bozoridagi harakatsizligidan norozi.
Bu haqda Manchester Evening News nashri xabar berdi.
Manbalarga ko‘ra, Ruben Amorim bosh murabbiy bo‘lishga rozi bo‘lganida, "Yunayted" klubining moliyaviy muammolaridan to‘liq xabardor bo‘lmagan.
Shu bilan birga, "Manchester Yunayted"dagi manbalar buni inkor etib, portugaliyalik mutaxassisga klubning moliyaviy voqeliklari haqida to‘liq va shaffof ma’lumot berilganini ta’kidlamoqda.
Amorimga har yozda 200 million funt sterlingdan ko‘proq pul sarflanadigan kunlar o‘tib ketganini aytishdi.
Avvalroq, klub shartnoma imzolagan futbolchilar uchun 319 million funt sterling to‘lashi kerakligi xabar qilingandi.
Ayni damda mankunianliklar APL turnir jadvalida 13-o‘rinni egallab turibdi. Jamoa so‘nggi turda "Brayton"dan mag‘lub bo‘ldi (1:3).
