Рубен Аморим "Манчестер Юнайтед"нинг трансфер бозоридаги ҳаракатсизлигидан норози.

Бу ҳақда Manchester Evening News нашри хабар берди.

Манбаларга кўра, Рубен Аморим бош мураббий бўлишга рози бўлганида, "Юнайтед" клубининг молиявий муаммоларидан тўлиқ хабардор бўлмаган.

Шу билан бирга, "Манчестер Юнайтед"даги манбалар буни инкор этиб, португалиялик мутахассисга клубнинг молиявий воқеликлари ҳақида тўлиқ ва шаффоф маълумот берилганини таъкидламоқда.

Аморимга ҳар ёзда 200 миллион фунт стерлингдан кўпроқ пул сарфланадиган кунлар ўтиб кетганини айтишди.

Аввалроқ, клуб шартнома имзолаган футболчилар учун 319 миллион фунт стерлинг тўлаши кераклиги хабар қилинганди.

Айни дамда манкунианликлар АПЛ турнир жадвалида 13-ўринни эгаллаб турибди. Жамоа сўнгги турда "Брайтон"дан мағлуб бўлди (1:3).