Italiya futbolida 22-tur o‘yinlari boshlandi, “Napoli” o‘z maydonida “Yuventus”ni qabul qildi va irodali g‘alabaga erishdi.
Neapolliklar uchun bu Italiya chempionati doirasidagi «Yuventus»ga qarshi o‘yinlardagi o‘z uyida ketma-ket oltinchi g‘alaba bo‘ldi va Italiya chempionatida bunday seriya oltmish yildan ortiq vaqt davomida kuzatilmagan.
"Roma" 1937-1941 yillarda ketma-ket olti marta, "Inter" 1935-1943 yillarda sakkiz marta, "Fiorentina" esa 1960-1964 yillarda Turin klubiga qarshi o‘z uyida ketma-ket olti marta g‘alaba qozongan.













