"Manchester Yunayted" vingeri Markus Reshford "Galatasaroy"ga o‘tishni rad etdi. Bu haqda taniqli jurnalist Ekrem Konur xabar berdi.

Manba bergan xabarga ko‘ra, turk klubi yaqinda futbolchiga olti oylik ijara taklifi bilan murojaat qilgan, biroq angliyalik rad javobini bergan.

Qayd etilishicha, Reshford Yevropaning eng kuchli ligalaridan birida o‘ynashni xohlaydi. Avvalroq, Londonning “Vest Xem” klubi kutilmaganda Reshford uchun kurashda favoritga aylangani haqida ma’lumotlar paydo bo‘lgandi.

Reshford oxirgi marta 7 dekabr kuni maydonga tushgandi. O‘shandan beri futbolchi "Manchester Yunayted" tarkibiga bor-yo‘g‘i bir marta kiritilgan, biroq butun o‘yinni zaxira o‘rindig‘ida o‘tkazgan.