Dortmundning "Borussiya" klubi sobiq bosh murabbiyi Edin Terzichga "Tottenxem" qiziqish bildirmoqda.
"Shporlar" rahbariyati Ange Postekoglou bilan hozircha xayrlashishni rejalashtirmayapti, biroq, mish-mishlarga ko‘ra, jamoaning natijalari tez orada yaxshilanmasa, avstraliyalik iste’foga chiqarilishi mumkin. GiveMeSport xabariga ko‘ra, London klubi hozirda ishsiz bo‘lgan Terzich nomzodini ko‘rib chiqmoqda.
42 yoshli mutaxassis o‘tgan mavsum oxirida "Borussiya" bosh murabbiyi lavozimini tark etgandi. Nemis qo‘l ostida "asalarilar" Chempionlar ligasi finaliga qadar yetib bordi.
