"Bavariya" Manuel Noyerga o‘rinbosar topish ustida ishlamoqda.
Myunxenliklar sardori mart oyida 39 yoshga to‘ladi, biroq u birinchi raqamli futbolchi maqomini saqlab qoladi va tez orada shartnomasini 2026 yilgacha uzaytirishi kutilmoqda.
Dushanba kuni "Bavariya" 21 yoshli Yonas Urbig transferini yakunladi, u Noyerning keyingi yillardagi o‘rinbosari sifatida ko‘rilmoqda.
Yulduzli faxriyni uzoq muddatga almashtirish masalasi ochiqligicha qolmoqda. Bild xabariga ko‘ra, Bundesliga giganti 2026 yilda asosiy tarkibni egallashi mumkin bo‘lgan darvozabon nomzodlarini qidirmoqda.
“Brayton” futbolchisi Bart Verbryuggen yetakchi variantlardan biri hisoblanadi. Agar Yonas Urbig, Aleksandr Nyubel va Daniel Peres keyingi bir yarim yil davomida asosiy tarkibda o‘ynashga yaroqliligini isbotlay olmasa, niderlandiyalik futbolchi "Bavariya"ning transfer maqsadiga aylanishi mumkin.













