Braziliyalik yulduz hujumchi Neymar Saudiya Arabistonining “Al-Hilol” klubi bilan shartnomasini muddatidan oldin bekor qilib, katta pullardan voz kechdi. Bu haqda Insayder Ben Jeykobs ijtimoiy tarmoq orqali xabar berdi.

Manbaga ko‘ra, 32 yoshli hujumchi Saudiya tomoni bilan shartnomasiga ko‘ra o‘ziga tegishli bo‘lgan 40 million yevrodan bosh tortgan.

Neymar faoliyatini “Al-Hilol”da omadsiz o‘tkazdi. Jarohat tufayli braziliyalik futbolchi bir yarim yil ichida bor yo‘g‘i yettita uchrashuvda qatnashib, bor yo‘g‘i bitta gol urgan.