Joriy yil 25 yanvardan 15 fevralgacha Toshkent viloyatidagi «Yangiobod» sport bazasida regbi sport turi bo‘yicha O‘zbekiston erkaklar va ayollar milliy terma jamoasi a’zolarining xalqaro musobaqaga tayyorgarlik ko‘rish yuzasidan o‘quv-mashg‘ulot yig‘ini o‘tkazilmoqda.
Ushbu o‘quv-mashg‘ulot yig‘ini kelgusi musobaqalarga tayyorgarlikning muhim bosqichi bo‘lib, jismoniy va taktik tayyorgarlikni o‘z ichiga oladi.
O‘quv-mashg‘ulot yig‘inining maqsadi jamoalarni bo‘lajak sinov o‘yinlariga tayyorlash, shuningdek, ikki turda bo‘lib o‘tadigan Osiyo chempionatiga tayyorgarlik ko‘rishdan iborat.
