Yevropa chempionlari ligasi guruh bosqichining 8-tur doirasida "PSV" jamoasi o‘z maydonida "Liverpul"ni qabul qiladi.
"PSV" bosh murabbiyi Peter Bos o‘yindan oldin tashkil etilgan matbuot anjumanida ishtirok etdi va bo‘lajak o‘yin haqida haqida fikr bildirdi.
"Menga yangi format qiziqarli o‘tmoqda. Har bir turda bu yanada qiyinlashmoqda. Dam olishning iloji yo‘q, chunki har bir uchrashuvda o‘ynash kerak bo‘ladi. Menimcha, sakkiz xil raqibga qarshi o‘ynash qiziq.
Slot aql bovar qilmaydigan ish qilmoqda. "Liverpul" kabi klubda siz darhol natija ko‘rsatishingiz kerak va u ajoyib ish qildi. Uning "Liverpul"dagi o‘yinlari va "Feyenoord"da erishgan yutuqlari o‘rtasida parallellik keltirish mumkin. Men juda ko‘p o‘xshashliklarni ko‘raman.
Biz hali pley-offga chiqmadik. Hammasi o‘z qo‘limizda. Keyingi bosqichga chiqish uchun durang ham kifoya qiladi, ammo biz g‘alaba qozonish uchun o‘ynaymiz. Yorqin o‘yin ko‘rsatib, muxlislarni xursand qilishga harakat qilamiz" - dedi PSV ustozi Peter Bos UYEFA rasmiy saytiga.
