"Manchester Siti" bosh murabbiyi Xosep Gvardiola jamoasining Chempionlar ligasida g‘alaba qozonish imkoniyatlari haqida gapirdi.
“Shaharliklar” umumiy bosqichning so‘nggi turida “Bryugge”ni mag‘lub etib (3:1) biroz qiyinchilik bilan pley-offga yo‘l oldi. Endi Angliyaning amaldagi chempioni 1/8 finalga yo‘llanma uchun “Bavariya” yoki “Real” bilan to‘qnash keladi.
"Chempionlar ligasida g‘alaba qozona olamizmi? Hozir - yo‘q, men bunday deb o‘ylamayman. Biz g‘alaba qozongan yili men g‘alabaga ishonchim komil edi. Men pragmatikman, haqiqat bu haqiqatdir. "Real Madrid" va "Bavariya" bizdan ko‘ra ko‘proq tajribaga ega", - deydi Gvardiola.













