"Chelsi" yarim himoyachisi Chezare Kazadei faoliyatini "Lasio"da davom ettirishi mumkin. Insayder Fabrisio Romanoning so‘zlariga ko‘ra, "Lasio" hozirda 22 yoshli italiyalik futbolchini qo‘lga kiritish ustida faol ishlamoqda.
Manbaga ko‘ra, rimliklarning yakuniy taklifi 13 million yevrodan oshadi. Qolaversa, "Lasio" shartnomaga futbolchining keyingi sotuvidan "Chelsi"ga foiz olishi haqidagi bandni kiritgan.
Joriy mavsumda Kazadei barcha turnirlarda oltita o‘yinda maydonga tushdi va birorta ham gol ura olmadi. Eslatib o‘tamiz, yarim himoyachi joriy Premyer-ligada maydonga tushmagan.
