"Roma" yarim himoyachisi Nikola Zalevski ijaraga berilishi mumkin. Milanning "Inter" klubi 23 yoshli yarim himoyachini o‘z safiga qo‘shib olmoqchi.
Insayder Matteo Morettoning so‘zlariga ko‘ra, “neradzurrilar” futbolchini 6-7 million yevroga sotib olish imkoniyati bilan ijaraga olishlari mumkin. Zalevski xizmatlariga Fransiyaning "Marsel" klubi ham qiziqish bildirmoqda.
Polshalik yarim himoyachi 2021 yilning yozidan buyon Rim jamoasida o‘ynab kelmoqda. Transfermarkt portali futbolchining narxini o‘n million yevroga baholamoqda. Italiya chempionatining joriy mavsumida Nikola 12 ta o‘yin o‘tkazdi.
